Pri abeloj, junio 2025

Ni ĉiuj scias, ke abeloj estas tre laboremaj insektoj, kaj krome, homoj profitas de ilia laboro. Mielo! Tiuj, kiuj sekvas mian blogon, rimarkis, ke mi bredas abelojn kaj ĝuas ĉi tiun laboron, kvankam mi ne multe profitas de ĝi kaj mi limigos la nombron de abelujoj pro mia aĝo kaj malpliiĝanta taŭgeco. Ĉiu abelbredisto konfirmos tion, ke laboro kun abeloj bezonas multo da laboro. Nuntempe estas la reprodukta sezono por abeloj, kio signifas, ke novaj abelsvarmoj formiĝas.Nun 6 novaj abelsvarmoj formiĝis en mia abelejo. Estis hieraŭ, ke la abeloj svarmis kaj sidiĝis alte en akacio kaj sidis tie la tutan nokton, kaj dum la nokto pluvis forte. La sekva tago, hodiaŭ, estis tago suna kaj posttagmeze ili forflugis ien. Kaj do mi seniĝis de la abeloj, ĉar mi ne povis ilin malsuprenigi pro la alteco. Pro malfacilo mi ne povas sendi foton.