Malfacila printempo - 2024

Estas malfacile veni printempo ĉi-jare. La fruaj tagoj de aprilo estis promesplenaj, ili estis varmej kaj sunaj, eĉ la temperaturo atingis 25 celsiajn gradojn, sed tio pasis. Okazis frostetoj dum la lastaj tri tagoj, kelkaj plantoj kaj multaj floroj sur fruktarboj frostiĝis. Mielabeloj ne plu kolektas nektaron kaj polenon. Kaj nun estas la ĝusta tempo por produkti bongustan printempan mielon, estos granda perdo laŭ la kvanto da mielo. La vetero montriĝis kaprica.

Teritoriaj balotoj - 07.04.24

Hodiaŭ okazas elektoj de loka registaro en Pollando. Mi rimarkis, ke estas multe da elektafiŝoj, eĉ en urbetoj kaj vilaĝoj. Mi jam voĉdonis matene. Mi pensas, ke ne estos grandaj surprizoj en grandaj urboj - la koalicio venkos. Mi aldonos ion pli post la fermiĝo de la balotoj lokaj. En mia urbo, tri virinoj kandidatiĝis por la posteno de urbestro kaj en la unua voĉdono estis elektita la virino sur la afiŝo, do ne estis dua voĉdono. Gratulon!

Kamparanaj protestoj denove

Hodiaŭ estas la 20-a de marto, kaj denove okazas protestoj de kamparanoj tra la tuta lando. Miloj da strikantoj partoprenis en ili, ĉefe barante vojojn al grandaj urboj, sed ankaŭ en la urboj. Entute estis ĉirkaŭ 600 malfacilaĵoj.