Saturday, February 22, 2014

Eksterlandaj aferoj - Ukraino


Parlamentanoj de Ukraino

Aleks Uspechov

 -  20 lut 2014
Al ĉiuj organizaĵoj de justeco en la mondo.
Popolo de Ukrainio bezonas vian helpon.
Janukoviĉ komencis "antiteroristan"  militon kontraŭ la popolo. Komandas la militon gvidanto el Rusio sendita al Ukrainio fare de Putin. La milito iras en tuta teritorio de la lando. Faŝistoj de la registaro murdas milojn de homoj, karcerigas dekmilojn senkulpajn homojn laŭ elpensitaj maljustaj "krimoj". Ĉu la mondo permesos murdi 46 milionojn da ukraina popolo por amuzo de Putin kaj reĝaj ambicioj de Janukoviĉ?

Thursday, February 13, 2014

Esperanto - 13

La knabino jam ekis laboron...
Kial ne? Se nia Esperantio estas la mondo, do ni eble klopodu pri la mono?
Mi tiel titolis la bildon, kiun mi elpensis ĉe Google+, kaj publikis en la rubriko 'miaj societoj' - "Esperanto"
Kaj, kion ĝi tuŝas, ĵus la monon, ĉar nia Esperantio bezonas ne nur bonan, fleksan lingvon, profundan ideon, kaj aliaj, sed ĝuste multe da mono. Kiel ĝi akiri? La lasta frazo el la bildo sonas: Malgraŭ ĉio provu, sufloris koro... La unua paŝo estis farata, ĉar iu esperantisto de tiu ideo jam projektis aspekton de mono. La dua paŝo apartenas por ni.

Saturday, February 1, 2014

La lageto - 23

Michał faras truon en glicio
La lageto estas jam frostiĝinta 18 tagoj, kaj dum tiuj tagoj tavolo de glacio atingis ĉirkaŭ 20 cm. Do ĉi periodo vintra estis vere malfacila pro frosto -10/16*C kaj vento 60km/h, tio kaŭzis, ke vetero malfavoris al ni. Kaj imagu al si, ke hieraŭ estis -8*C, kaj hodiaŭ +2*C dum tagmeze, krome blovis milda suda venteto, ankaŭ brilis suno, la lastaj tagoj sensunaj. Do, kun plezuro oni povis eĉ promeni, sed mi, kaj bofilo kaptis la okazon, kaj faris en glacio de lageto kvin truojn, por havigi fiŝojn freŝan aeron. Mi supozas, ke fiŝojn fartas pli komforte pro tio. Mi memoras kaj komparas la saman periodon la antaŭan jaron. Diferenco estis principa, tiam, dum pasinta vintro, glacio atingis pli ol 30 cm, krome tuj la fiŝoj ariĝis ĉe truoj.